ადგილი, რომელსაც უნდა ესტუმროთ: Plavsko Jezero ანუ “ზეციური ტბა’’

14 აგვისტო ჯადოსნური დღე იყო.

დაიჯერებთ? ჩვენ თვით ზღაპარში მოვხვდით.

წარმოიდგინეთ:

სითბო. სუფთა ჰაერი. დიდი, ბუმბერაზი მთებით შექმნილი ქვაბი და მასში ჩასხმული წყალი, მწვანე დუმფარებით დაფარული. აქა-იქ მიყენებული, მოძველებული, უნიჩბო ნავები, რომლებშიც წყალია შესული. გრძელი მცენარეები, რომლებიც  მზეს ეფიცხებიან. შუაში გაყვანილი, ვიწრო, უმოაჯირო, გრძელი ხიდი. წყალში მოცურავე პატარა, შავ ნისკარტიანი იხვები. კამკამა, უღრუბლო,  ლურჯი ცა. ჩიტების ჭიკჭიკი, აქა-იქ ბაყაყების ხმები. სიმშვიდე. სიმშვიდე და ჩვენ. გარემოთი მონუსხულები, დადუმებულები, აღფრთოვანებულები. ფოტო-აპარატ მომარჯვებულები ვდგავართ და ვცდილობთ ეს სილამაზე აღვბეჭდოთ ეკრანზე. იმის სამტკიც საბუთად, რომ ჩვენ საოცრებაში ვიყავით და იმისთვის, რომ სამუდამოდ დაგვამხსოვრდეს (თუ ამ ადგილს ოდესმე მაინც უწერია მეხსიერებიდან ამოშლა).13901593_1377121652316967_6289449532077945726_n

ტბა ზღვის დონიდან ცხრაას მეტრზე მდებარეობს.სერბულად ”Plavsko Jezero” ჰქვია, მე კი ”ზეციური ტბა” ვუწოდე. უამრავი ტურისტი სტუმრობს. ტბის წინ ერთი არაჩვეულებრივზე არაჩვეულებრივი, მყუროზე მყუდრო ეთნო სასტუმროა.აი, ჩემი რჩევა:  თუ გრძნობთ, რომ ძალიან გადაიღალეთ, გჭირდებათ გაქცევა ყოველდღიურობისგან, განტვირთვა, წყნარი ადგილი ფიქრისთვის, საკუთარი თავის პოვნისთვის-აუცილებლად უნდა ესტუმროთ Plavsko Jezero-ს.  საუკეთესო ადგილია რელაქსაციისთვის.

როგორც კი მანქანიდან გამოვედი, მაშინვე, უცნაური, ძალიან სასიამოვნო შეგრძნება დამეუფლა. ტბის წინ, ერთი კომფორტული, მშვენიერი კაფე-რესტორანია (სასტუმროს ეკუთვნის), სადაც, შეგიძლია ჩამოჯდე, გემრიელი ყავა ან ჩაი მიირთვა და ზემოთ აღწერილ პეიზაჟს დაუსრულებლად უყურო. აქ შეგიძლია დაიცალო ემოციებისგან. შეგიძლია იფიქრო ყველაფერზე და არაფერზე. ეს არის სამოთხე დედამიწაზე. ადგილი, სადაც, უჩვეულო სიმშვიდეა გამეფებული.უბრალოდ ზიხარ, უყურებ ამ საოცრებას და ბედნიერად გრძნობ თავს, მხოლოდ იმიტომ რომ არსებობ.

უკვე 10 დღე გავიდა და ახლაც, როცა თვალებს ვხუჭავ ყოველთვის ’ზეციური ტბა’’ წარმომიდგება  წინ. მაშინვე, ვწყნარები და უკან ვბრუნდები: უბრალო და მომაჯადოვებელ, ცალკე, პატარა სამყაროში. დედამიწისთვის ზედმეტად მშვენიერ ადგილას.

გისურვებთ, რომ ოდესმე თქვენც მოხვდეთ ”ზეციურ ტბაზე’ და სწორედ ის განიცადოთ, რაც მე.

სახლში დადებითი ემოციებიი დატვირთულები დავბრუნდით.

შთაბეჭდილების შესაქმნელად გიზიარებთ ფოტო-სურათებს. ისიამოვნეთ 🙂

სიყვარულით,

თქვენი აღფრთოვანებული,

შთაბეჭდილებების ქვეშ მყოფი,

გოგონა ‘’ზეციური ტბიდან’’,

უფრო მოკლედ:

თქვენი,

ბედნიერი

მარი ❤

This slideshow requires JavaScript.

Advertisements

6 thoughts on “ადგილი, რომელსაც უნდა ესტუმროთ: Plavsko Jezero ანუ “ზეციური ტბა’’

    1. მონტენეგროში ასეთი ქალაქია, სახელად “PLavsko”. თვითონ ტბის სახელიც აქედან მომდინარეობს ❤
      გეთანხმები, ბედი მქონია რომ მოვხვდი. არადა , თავიდან ვფიქრობდი ტბა ასეთი რა უნდა იყოს-თქო 😀

      Like

      1. რატომაც არა :d ან სამოცდა თორმეტ მარშუტკას დააჯექი და ნახევარი საათში იქ ხარ. 😀

        Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s